ಶಾಲೆಗೆ ಹೋಗೋಲ್ಲ ...

ಶಾಲೆಗೆ ಹೋಗೋಲ್ಲ ...

ಶಾಲೆಗೆ ಹೋಗೋಲ್ಲ 

ಅಮ್ಮಾ ಶಾಲೆಗೆ ಹೋಗೋಲ್ಲ ।।

ಊಟದ ಸಮಯದಿ ಹಠವನು ಮಾಡೆ,

ಸಲುಗೆಯ ಸಂಗದಿ ತಮ್ಮನ ದೂಡೆ,

ಸೊಗದಲಿ ನೀನು ಜೋಗುಳ ಹಾಡೆ- 

ಮಲಗುವೆ ನಿದ್ದೆಯ ಗೊಂಬೆಯ ಹಾಗೆ

ಶಾಲೆಗೆ ಹೋಗೋಲ್ಲ..ಆದರೆ, ಶಾಲೆಗೆ ಹೋಗೋಲ್ಲ ।।

ಶಾಲೇಲಿ ಯಾರೂ ಪರಿಚಯವಿಲ್ಲ 

ಕಂಬನಿ ಮಿಡಿವ ಮಕ್ಕಳೇ ಎಲ್ಲಾ 

ಆಟವ  ಆಡಲು ಬರದಿರುವವರು 

ಬೆತ್ತವ ಹಿಡಿದು ಗದರುವರಲ್ಲಾ !!!

 ಶಾಲೆಗೆ ಹೋಗೋಲ್ಲ..ಅಮ್ಮ ಶಾಲೆಗೆ ಹೋಗೋಲ್ಲ ।।

ಮಗುವೇ ಮಗುವೇ ಏತಕೆ ಅಳುವೇ 

ಕರೆಯಲು ನಿನ್ನನು ಬೇಗನೆ ಬರುವೆ 

ನಗುತಲಿ ನೀನು ಮನೆಗೆ ಬಂದರೆ 

ಸಿಹಿಯನು ಕೊಟ್ಟು ಮುತ್ತನು ಕೊಡುವೆ 

ಶಾಲೆಗೇ ಹೋಗಮ್ಮಾ ..ನೀನು ಶಾಲೆಗೇ ಹೋಗಮ್ಮಾ ।।

ಶಿಷ್ಟಾಚಾರವ ಕಲಿಯಲೇಬೇಕು 

ಪಾಠಶಾಲೆಗೆ ಹೋಗಲೇಬೇಕು 

ವಿದ್ಯೆ ವಿವೇಚನ ಬುದ್ದಿಯ ಕಲಿತು 

ಒಳ್ಳೆಯ ಮನುಜೆ ನೀನಾಗಬೇಕು 

ಶಾಲೆಗೇ ಹೋಗಮ್ಮಾ ..ನೀನು ಶಾಲೆಗೇ ಹೋಗಮ್ಮಾ ।।